Heriotza ardatz izango duen hitzaldi zikloa antolatu du Usurbilgo Udalak eragile gehiagorekin lankidetzan apirilean hasi eta azarora arte, "saio bakoitzean alderdi desberdin batean arreta jarrita: eskubideak eta erabakitzeko ahalmena, heriotza eta gaztetasuna, heriotzaren aurrean izan direnen lekukotzak, literatura, kultur artekotasuna...".

"Heriotzaren pedagogia: begirada berri bat beldurretik maitasunera" izeneko jardunaldia antolatu zuen Bizipoza elkarteak azaroaren 9an goraino betetako Sutegin. Egun hartako lanketari segida emango diote orain, apiriletik azarora Usurbilgo Udalak eragile gehiagorekin lankidetzan antolaturiko "Komunitatetik, heriotzaz" solasaldi zikloarekin.