Goizeko giro epelaren ondotik ekaitza lehertu daiteke daotzen orduotan. Euskalmet meteorologia agentziak ohartarazi dutenez, abisu horian izango gara igande arratsalde honetan, maiatzaren 5ean, 15:00etan hasi eta iluntzeko 21:00ak arte. Tarte horretan, "zenbait lekutan ordubetean 15 l/m² baino gehiago pila daitezke, bereziki ekialdean. Zaparrada trumoitsuak botako ditu eta zenbait lekutan handiak izan daitezke. Zaparradekin batera txingorra (1 cm ingurukoa) egin dezake eta haize-boladak gogorrak edo oso gogorrak izan daitezke (60-80 km/h)".
Usurbili dagokionean, gaur, "arratsaldean zerua oso hodeitsu geratuko da. Egunaren bigarren partean zaparrada txikiak botako ditu, zenbait tokitan ertainak eta trumoitsuak. Norabide aldakorreko haize ahula ibiliko da; goizean hego-mendebaldetik finkatuko da, bolada gogor batzuekin mendebaldean; arratsaldean ipar/ipar-mendebaldera aldatuko da. Tenperatura maximoetan, aldaketarik ez".
Astelehenean, "zerua hodeitsu edo oso hodeitsu egongo da, arratsalde-gau partean hodeiak gutxitzen joango dira. Zaparrada txikiak botako ditu, goizaldean baliteke zenbait tokitan ertainak izatea; gauean atertzera egingo du. Ipar-mendebaldeko haize ahul-bizia ibiliko da, bolada gogorrekin egunaren bigarren zatian. Tenperatura jaitsi egingo da: minimoak gutxi eta maximoak nabarmen".
Asteartean, "zerua tarteka hodeitsu egongo da, bereziki ekialdean. Euri txikia egingo du, batez ere eguerdi partean. Mendebal-osagaiko haize ahul-bizia ibiliko da, goizean ipar-mendebaldekoa finkatuko da; egunaren lehen partean bolada gogorrekin. Tenperatura minimoak gutxi edo nahikoa jaitsiko dira. Tenperatura maximoetan aldaketarik ez edo gutxi igoko dira".
Informazio eguneratua, euskalmet.eus atarian jaso dezakezue.
Prezipitazio handiagatik abisu horia gaur
Ekaitz giroa izan dezakegu datozen orduotan. Euskalmet meteorologia agentziak ohartarazi duenez, abisu horia izango da indarrean igande arratsalde honetan, 15:00-21:00 artean.