Euskara eta euskal kultura sustatzea helburu duen elkartea

Usurbilgo maskaradarako girotzen hasteko, Zuberoako Pagolakoa ikusteko irteera

By on 2019-01-22 in Aisia, Euskara, Jaiak, Jendartea, Kultura


Urte hasieran iragarri bezala, Zuberoako maskaradaz gozatzeko aukera izango dugu ekainaren 16an, herritik mugitu gabe. Hego Euskal Herrian xiberotarrek eskainiko duten ikuskizun bakarra Usurbilen ikusi ahalko da. Maskaradak zer diren, hurbiletik ezagutu eta girotzen hasteko, Orbeldi Dantza Taldeak, maskaraden denboraldi betean den Xiberoara irteera antolatu du otsailaren 17an. Igande horretan Pagola herrian ospatuko dute apirilera arte iragarriak dituzten 16 emanaldietako bat.  

Otsailak 17, igandea
8:30
Irteera Oiardo Kiroldegitik autobusez.
11:00 Pagolara (Zuberoa) iritsi eta goizeko barrikada ikusi.
Eguerdian, bazkaria (janaria norberak eraman beharko du eta aterpea ziurtatua dugu. Kafea Orbeldiren kontu).
17:00ak aldera, maskaradaren arratsaldeko saioa.
19:00 Itzulerako autobusa.
21:30 Usurbilera  iritsi.

Oharrak:
-Autobusaren prezioa: 10 euro.
-Izen ematea, otsailaren 8ra arte: orbeldi.udt@gmail.com helbidera idatzita edo ostegunetan, 19:00-21:00 artean Kiroldegiko dantza gelan.
-Adin txikikoek arduradun batekin joan beharko dute.

Antolatzailea: Orbeldi D.T.

Argazkiaren egilea: Aitor Irazusta.

Harpidetu

Albiste hau atsegin baduzu, harpidetu orain horrelako albiste gehiago jaso ahal izateko.

Iruzkinak itxita daude.

Usurbilgo baserriak
Usurbilgo ondarea
Igo
Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.