Euskara eta euskal kultura sustatzea helburu duen elkartea

Gogotsu berpiztu dute Andatza Eguna

By on 2018-05-06 in Aisia, Jendartea, Kirola

Lau bat urteko etenaren ostean, Andatza M.K.T.-k tradizio luzeko ospakizun egun hau antolatzeko eginiko ahaleginari gogotsu erantzun diote usurbildarrek. Maiatzeko lehen igande honetako ospakizuna berreskuratzeko gogoa bazela argi uzten dute ondoko irudiok. Jendetza batu baita, Andatza gaineko babeslekuan. Hamaiketako gozoa prestatu dute mendizaleen taldeko kideek. Eskubete lan izan dute mendi tontorrera igotakoak asetzen. Nahi adina jan edan izan da, trikitilariek girotu duten goiz partean.

Azken hilabeteotan gutxitan izan dugun giro eguzkitsuak jendetza igoarazi du Andatzara. Goizean goizetik etenik gabekoa izan da, gorantz eta beherantz belaunaldi ezberdinetako herritarren joan etorria. 

Andatza Eguna inoiz baino biziago dagoela esan daiteke. 


Harpidetu

Albiste hau atsegin baduzu, harpidetu orain horrelako albiste gehiago jaso ahal izateko.

Iruzkinak itxita daude.

Usurbilgo baserriak
Usurbilgo ondarea
Igo
Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.