Euskara eta euskal kultura sustatzea helburu duen elkartea

Erraustegiaren aurkako mendi martxa urtarrilaren 27an


Gipuzkoa mailako deialdia egin du Erraustegiaren Aurkako Mugimenduak urtarrilaren 27rako. Erraustegiaren goi-tentsioko linearen aurkako mendi martxa antolatu dute hilabete honetako azken larunbaterako. Egitasmo honi buruzko zehaztasunak ezagutzeko aukera egongo da, hain zuzen goi-tentsioko lineak zeharkatuko dituen parajeetan.

Gogoan izan, 2016ko udazkenean ohartarazi zuen Lasarte-Oriako Aire Garbia herri plataformak goi-tentsioko linea eraiki nahi zuela Gipuzkoako Hondakinen Kontsortzioak (GHK), erraustegia sare elektrikora lotzeko. “Linea berria, 132 kV-koa, erraustegian bertan hasi eta sare nagusiarekin Urnietan lotuko litzateke, Elutsetako Arkaitzen inguruan. Guztira 5 kilometro, Zubieta, Lasarte-Oria, Andoain eta Urnietan barrena”, aditzera eman zuten.

Udazken honetan urrats berri bat eman zuen GHK-k. Goi tentsioko linearen lizitazioa abiatu zuen. Lizitaziorako eskaintzak aurkezteko hilabeteko tartea egon zen urria eta azaroa artean. Behin kontratua formalizatu ostean, urtebeteko epea izango luke esleipenaren onuradunak, goi-tentsioko linea eraikitzeko.

Goiko irudia: Lasarte-Oriako Aire Garbia herri plataforma.

Urtarrilak 27, larunbata
Irteerak Azkortera:
10:00 Lasarte-Oriako Okendo plazatik eta Andoaingo Goiko Plazatik.
10:30 Urnietako Zaldundegitik eta Hernaniko Gudarien Plazatik.

11:30 Proiektuari buruzko informazioa eskainiko da Azkorteko ermitan.
Ondoren, Lasarte-Oriara ibilbidea.
13:00 Azken ekitaldia Lasarte-Oriako Okendo plazan.

Deitzailea: Erraustegiaren Aurkako Mugimendua.

Harpidetu

Albiste hau atsegin baduzu, harpidetu orain horrelako albiste gehiago jaso ahal izateko.

Iruzkinak itxita daude.

Usurbilgo baserriak
Usurbilgo ondarea
Igo
Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.