Euskara eta euskal kultura sustatzea helburu duen elkartea

Haimar Zubeldiari buruzko erakusketak eta solasaldiak abiatuko du asteazkenean, bere omeneko ekimen astea

By on 2017-11-13 in Jendartea, Kirola with 0 iruzkin

Haimar Zubeldiak merezitako herri omenaldia jasoko duen astean gara. Larunbatean izango da. Aurretik ordea, zenbait ekimen antolatu dituzte Haimar Zubeldia taldeak eta Usurbilgo Udalak. Asteazkenean, udan maila profesionala uztea erabaki zuen usurbildar txirrindulariari buruzko erakusketa zabalduko dute Sutegin. Irekiera ekitaldian izango da Haimar, baita aurrez Sutegiko auditorioan egingo den solasaldian ere. Hitzordua, asteazkenean (azaroak 15), 19:00etan Sutegin. 

Sare sozialen bidez Haimarrek berak iragarri duenez, erakusketara gerturatzen diren guztien artean, aurtengo bere maillot eta kulotea zozkekatuko dituzte:

HERRI OMENALDIA HAIMAR ZUBELDIARI
Azaroak 15, asteazkena
19:00 Haimarrekin solasaldia Sutegiko auditorioan.
20:00 Argazki erakusketaren irekiera Sutegiko erakusketa aretoan. Haimar bertan izango da.

Azaroaren 16an eta 17an, ostegun eta ostiralean
17:30-20:30 Argazki erakusketa Sutegiko erakusketa aretoan.

Azaroak 18, larunbata
8:30 Haimarrekin Andatzara txirrindaz. Abiapuntua: Frontoia. Ibilbidearen iraupena 2 ordu eta erdikoa izango da. Deialdi irekia. Bi ibilbide egingo dira, zati bat modu bateratuan.
12:00 Haimarrekin txirrinda ibilbide girotua herrian zehar. Adin guztientzat. Azken metroetan Porrotx bidelagun. Abiapuntua eta helmuga: Dema Plaza.
13:00 Omenaldi ekitaldia frontoian.
14:30 Bazkaria Aginaga Sagardotegian. 100 txartel salgai Bordatxon. Helduenak 30 eurotan, haurrenak 12 eurotan.

Antolatzaileak: Haimar Zubeldia Taldea eta Usurbilgo Udala.

Harpidetu

Albiste hau atsegin baduzu, harpidetu orain horrelako albiste gehiago jaso ahal izateko.

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

*

Usurbilgo baserriak
Usurbilgo ondarea
Igo
Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.