Euskara eta euskal kultura sustatzea helburu duen elkartea

Jokalariak behar ditu Usurbil F.T.-k, nesken eta kadete mutilen futbol taldeak osatzeko

By on 2016-09-06 in Jendartea, Kirola

Nesken taldea osatzeko bilera deitu du Usurbil F.T.-k ostegun arratsalde honetan, irailak 8, 19:00etan Haranen. “Kadeetatik hasita, jubenil edo erregional mailako nesken taldea osatzeko deialdia egin nahi dugu”, adierazi diote aldizkari honi futbol taldeen bilgunetik. Bestalde, kadete mutilen taldea osatzeko jokalari bila dabiltza. Izen emateko epea zabalik egongo da irailaren 15era arte. “Apuntatu nahi izanez gero, Haranera gerturatu daitezke”, ohartarazi dute Usurbil F.T.-tik.

OLYMPUS DIGITAL CAMERA
Usurbil Cup abian
Herri ekimen jendetsuenetarikoa izango dugu Usurbilen, ikusi bestela ondoko argazkia. Jokalari guzti guztiak ez zeuden, jendea falta zen, eta halere zenbatzen hasi irudiotan dagoen lagun kopurua; LHtik hasi eta DBHra, gaztetxo mordoa. Guztiek izena emana dute Usurbil Cup ekimenean. Ostiral arratsaldean abiatu zen Usurbil F.T.-k antolaturiko txapelketa, Haranen egin zuten hasiera ekitaldi handi eta koloretsuarekin. Taldeak aurkeztu eta guztiekin batera argazki handia atera zuten, lehen neurketak hasi aurretik. Hasi berri dugun hilabete honetan futbol neurketa ugari jokatuko dituzte, sari banaketa handiaren aurretik.

Lehen Hezkuntzatik DBH2ra, maila arte honetan ikasten ari diren ia 34 bat taldeetan banaturiko 400 bat jokalariek parte hartuko dute Usurbil Cup-en. Eta hasi bezala, sari banaketa handiarekin amaituko dute ekimena, aldaketarik ez bada, hilabete honen amaiera aldera.

Jarreran eragin nahian
Bereziki araudian eta jarreran eragin nahi dute aurten ere. “Araudi bat finkatuko dugu eta zorrotz beteko da”, ohartarazi dute Usurbil F.T.-tik. Beste behin gogorarazten dutenez, txapelketa honetako xede nagusia haur eta gaztetxoen parte hartzea sustatzea eta ondo pasatzeko kirol ekimena izatea da. Denboraldi berezia izango da 2016-17 kirol urtea herriko futbolarientzat. 40 urte beteko baititu Usurbil F.T.-k. Eta urteurrena ekimen bereziekin ospatu asmo dute.

Harpidetu

Albiste hau atsegin baduzu, harpidetu orain horrelako albiste gehiago jaso ahal izateko.

Iruzkinak itxita daude.

Usurbilgo baserriak
Usurbilgo ondarea
Igo
Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.